Шиелі ауданында «Дипломмен ауылға» жобасы аясында 97 маманға қаржы берілген
Жұма күні аудан әкімі Нариман Әскербекұлы облыс орталығында болып, БАҚ өкілдеріне брифинг өткізді. Аудан басшысының айтуынша биыл Шиеліде түрлі салада серпіліс байқалған. Әсіресе, «Дипломмен ауылға» жобасының аясында Шиелі ауданында 97 маманға барлығы 424 млн. 424 мың теңге қаржы бөлініп, тұрғын үй сатып алу үшін кредит түрінде берілген.Ауылдық елді мекендерге жұмысқа және тұруға келген мамандарға көтерме жәрдемақыға – 6 млн. 878 мың теңге бөлініп отыр. Қазіргі таңда бюджеттік кредит алу үшін – 118 маман, көтерме жәрдемақы алу үшін – 525 маман кезектілікте тұрған көрінеді.
"Өскен өңір" ақпарат
