Қазақстанның 2021 жылдың 19-21 тамызына арналған ауа райы болжамы жарияланды, деп хабарлайды Stan.kz ақпарат агенттігі.

Синоптиктердің мәліметінше, ел аумағында жылы ауа температурасы сақталады. 
“Антициклонның әсерінен, Қазақстанның бүкіл аумағында жаңбырсыз ауа райы күтіледі. Тек шығыс пен оңтүстік-шығыста, фронтальді бөліктердің өтуімен қысқа мерзімді жаңбыр, найзағай, бұршақ және екпінді жел болжанады. Солтүстікте 23-30 градусқа, оңтүстікте және оңтүстік-шығыста 25-40 градусқа, орталық пен шығыста 17-35 градусқа дейін ауа температурасының жоғарылауы күтілуде. Ал Қазақстанның батысында болса, ыстық ауа райы сақталады және негізгі фондық температура 32-41
градус аралығын қамтитын болады”, – дейді синоптиктер. ​https://stan.kz​​​