Қазақстан бас мемлекеттік санитария дәрігерінің жаңа қаулысы шықты. Құжатқа сәйкес, COVID-19-ға қарсы вакцина салдырған адамдарға 1 маусымнан бастап қағаз анықтамалар беріледі.
Бас санитария дәрігерінің жаңа қаулысына сәйкес, КВИ-ға қарсы вакцинацияны жүргізуге тартылған медициналық ұйымдар:

1) Қазақстан Республикасының азаматтарына осы Әдістемелік ұсынымдарға 5-қосымшадағы нысанға сәйкес талап ету бойынша қағаз тасығышта Қазақстан Республикасында жүргізілген КВИ-ға қарсы вакцинация туралы анықтаманы 2021 жылғы 1 маусымынан бастап береді;
2) шетелдік азаматтарға осы Әдістемелік ұсынымдарға 5-қосымшадағы нысанға сәйкес талап ету бойынша қағаз тасығышта Қазақстан Республикасында жүргізілген КВИ-ға қарсы вакцинация туралы анықтаманы 2021 жылғы 1 маусымынан бастап береді.
Сондай-ақ, дәрігерлер мүгедектер қатарындағы мүмкіндігі шектеулі адамдарға үйіне барып, КВИ-ға қарсы вакцинация жүргізуді ұйымдастырады.
1 шілдеден бастап шетелде коронавирусқа қарсы вакцина салдырған қазақстандықтар туралы мәліметтер растайтын құжаттар ұсынғаннан кейін қазақстандық мәліметтер базасына енгізіледі.
1) Растайтын құжаттар ұсынылған жағдайда шет елде КВИ-ға қарсы екпе алған Қазақстан Республикасы азаматтарының КВИ-ге қарсы вакцинациялануы туралы мәліметтерді 2021 жылғы 1 шілдесінен бастап ҚР ДСМ ХТТ "Вакцинация" модуліне енгізіледі;
2) Қазақстан Республикасы Білім және ғылым министрлігі растайтын ақпарат ұсынған жағдайда клиникалық зерттеулер шеңберінде QazCovid-in (QazVac) вакцинасымен КВИ-ге қарсы екпе алған Қазақстан Республикасы азаматтарының КВИ-ге қарсы вакцинациялануы туралы мәліметтерді модульге енгізеді;
3) ҚР БҒМ растайтын ақпарат ұсынған жағдайда QazCovid-in (QazVac) вакцинасымен КВИ-ге қарсы екпе алған Қазақстан Республикасы Білім және ғылым министрлігі Ғылым комитетінің Биологиялық қауіпсіздік проблемалары ғылыми-зерттеу институты қызметкерлерінің КВИ-ге қарсы вакцинациялануы туралы мәліметтерді Модульге енгізеді.
Облыстардың, Нұр-Сұлтан, Алматы және Шымкент қалаларының денсаулық сақтау басқармаларының жауапты адамдары Модульге коронавирусқа қарсы вакциналардың қозғалысы бойынша деректерді күн сайын енгізіп отырады.