Жыл басынан бері Қазақстанға 3966 этникалық қазақ тарихи отанына оралып, қандас мәртебесін алды. Бұл жайлы Еңбек және халықты әлеуметтік қорғау министрлігі хабарлады.
Жалпы, Қазақстанда 1991 жылдан бері 1 млн 750 мыңға жуық этникалық қазақ көшіп келген.
Осы жылдың басынан бастап елге келген қандастардың жартысынан астамы (75,6%) Өзбекстаннан, 11,9% – Қытайдан, 5,8% – Түркіменстаннан, 3,0% – Моңғолиядан және 3,6% – басқа елдерден.
Келген этникалық қазақтар негізінен Алматы (32,6%), Түркістан (16,5%) және Маңғыстау (14,2%) облыстарына, сондай-ақ Шымкент (12,0%) және Нұр-Сұлтан (5,4%) қалаларына қоныстанды.
Ағымдағы жылғы 1 сәуірдегі жағдай бойынша еңбекке қабілетті жастағы этникалық қоныс аударушылар саны 59,9%-ды, еңбекке қабілетті жастан кіші 24,1%-ды және зейнеткерлер 16,0%-ды құрайды.