Өскен өңір Osken-onir.kz ақпараттық агенттігі
» » Байқау жеңімпаздары анықталды

Байқау жеңімпаздары анықталды

Апта басында «Арман» мәдениет үйінде жастарға патриоттық тәрбие беру және жас­тар арасында салауатты өмір салтын қалыптастыру» әлеуметтік жобасы аясында 18-35 жас аралығындағы жастар арасында «Менің елім» атты патриоттық әндер байқауы өтті.
Жас ұрпақты отан сүйгіштікке тәрбиелеу мақсатында ұйымдастырылған байқауға 17 үміткер тіркеліп, 12 үміткер бақтарын сынады.
Ал жез таңдай әншілердің өнерін аудандық балалар әуез мектебінің оқу ісі жөніндегі орынбасары Нариман Мизамбаев, аудандық «Нартай» өнер мектебінің әдіскері Бағдат Тойманов, «Арман» мәдениет үйінің директоры Нұргүл Шәлекеевалар бақылап, бағалап отырды.
Қазылар шешімі бойынша бас жүлде Думан Тұрысбеков, І орын Айгүл Еркінбайқызы, ІІ орын Гүлназ Назарбаева, ІІІ орын ­Самал Жұбандықоваға бұйырса, қалған қатысушыларға арнайы алғыс хаттар тапсырылды.

«Өскен өңір» ақпарат
12 қазан 2020 ж. 432 0