Міне, осындай кәделі мамандықтың қадірін асырып жүрген жандардың бірі – Ғабит Қалқұлов. Ол 11 жылдан бері Шиелі аудандық электр торабының бас инженері қызметін атқарып келеді. Бас инженердің міндетін атқара ­отырып, бөлімшедегі барлық жүргізіліп жатқан жұмыстарды бақылап, орындалуын қадағалайды. Жалпы энергетика саласы қиындығы мен қызығы қатар жүретін сала екені жасырын емес. Осы салада үздік танылып, өз ісіне аса жауапкершілікпен қарайтын Ғабит жыл қорытындысы бойынша «Үздік энергетик – 2019» атанды.