Облыс əкімі Қырымбек Көшербаев Тəуелсіздік мерекесімен тұспа-тұс келген энергетиктер күнімен барша энергетика саласының қызметкерлерін құттықтады.
"Еліміздің егемендік алуы, мемлекеттің тәуелсіздігі халқымыздың тарихында жаңа дәуірдің бетін ашты. Тәуелсіздік жылдарында өңіріміздің энергетика саласы да айтулы жетістіктерге қол жеткізді. 
Облыс көлемінде 300 шақырымнан аса электр желілері жаңартылып, 90 жуық қосалқы стансалар орнатылды. Бұл халықты сапалы электр энергиясымен қамтамасыз етуге мүмкіндік берді.
Энергетика - қашанда әлеуметтік сала мен индустрияны алға жылжытушы күш, әрі экономиканың негізгі діңгегі болып саналады", - деді облыс әкімі. 
Сонымен қатар, аймақ басшысы облыстың энергетика саласын дамытуда үлес қосқан бірқатар қызметкерлерді ҚР энергетика министрлігінің "Электр энергетика саласына қосқан үлесі үшін" медалімен, "Алғыс хатпен", "Ардагер энергетик" төсбелгісімен, облыс əкімінің "Алғыс хатымен" марапаттады.
 Өңірлік Коммуникациялар Қызметі фейзбук парақшасынан