Шиелі ауданына барлығы 33 800 тонна қатты отын қажет. Бұл туралы тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Дана Смаханұлы брифинг барысында мәлімдеді.

Бүгінгі күні ауданға 14030 тонна көмір жеткізілген. Оның 6030 тоннасы әлеуметтік салаға, 8300 тоннасы жеке тұрғындарға таратылуда. Бұл көмірдің 44 пайызы. Өңірдегі көмір тасымалдаушы ЖК «Исаков» және ЖК «Нұрмановпен» бағаны өсірмеу туралы келісім жасалған. Қазіргі таңда тас көмірдің тоннасы – 12,5 мың теңге, ағаш көмір – 13,7 мың теңге.

Қажетті 1457 тонна сұйық отын сатып алу конкурсы арқылы өткізіліп келісім шарт жасалынды. Бүгінде сұйық отын кәсіпкер қоймасында сақтаулы тұр.