Адам саулығы алдыңғы орында

Өткен сенбіде М.Шоқай атындағы орталық алаңда «Денсаулық фестивалі – 2019» акциясы өтті. Негізгі мақсаты – аудан тұрғындарын денсаулықты сақтауға, нығайтуға насихаттау. Акция барысында бірқатар медицина мамандары аудан халқын толық тексеруден өткізіп, тегін кеңестер берді. Олардың қатарында кардиолог, терапевт, хирург, психолог, жастар денсаулық орталығы, невропатолог, эндокринолог мамандары бар. Сонымен қатар қарапайым халық ЭКГ аппаратына түсіп, қандағы холестерин, қанттың мөлшерін анықтауға, қан қысымын, бой, салмақ өлшеуге, флюрографиялық тексеруден өтуге мүмкіндік алды.

Шарада спорттық жарыс та ұйымдастырылды. Аудан әкімі Әшім Оразбекұлы жарыста жеңген жеңімпаздарды алғыс хатпен марапаттап, бағалы сыйлықтар тарту етті. «Денсаулық фестивалі – 2019» акциясы концерттік бағдарламамен жалғасын тапты.

«Өскен өңір» ақпарат