7 сәуір - Дүниежүзілік денсаулық күніне және Астананың 20 жылдығына орай

Бүгін "Береке" сауда орталығында 7 сәуір - Дүниежүзілік денсаулық күніне және Астананың 20 жылдығына орай аудандық емхананың профилактика бөлімі, аудандық жастар денсаулығы орталығы және "Жастар ресурстық орталығы" КММ-ің ұйымдастыруымен кең көлемді акция болып өтті. Акция барысында аудан тұрғындарына "Медициналық әлеуметтік сақтандыру" жөнінде аудандық маслихат депутаты, туберкулез диспансер бөлім меңгерушісі Н.Әмір баяндама жасады. Сонымен қатар жалпы тәжірибе дәрігер, психолог, жастар денсаулығы орталығының мамандары тұрғындарға тегін медициналық кеңестер беріп, арнайы ЭКГ аппаратына түсіріліп, флюорографиялық тексеруден өткізіп, ВИЧ инфекциясын және қандағы қант және холестерин мөлшерін анықтап, бой,  салмақ өлшеді.
"Өскен өңір" ақпарат.