Түркістан, BAQ.KZ. Түркістан облысында биылғы жылдың тек мамыр-маусым айларында облыстағы 34 847 тұрғыны бар 30 елді мекен газ жүйесіне қосылды.

Осыған байланысты барлық аудан әкімдері тұрғындармен әр үйді газға қосу жұмыстары бойынша ұйымдастыру-түсіндіру жұмыстарын жүргізді.
Облыстық энергетика және тұрғын үй-коммуналдық шаруашылық басқармасы қала, аудан әкімдері және «ҚазТрансГазАймақ» АҚ ӨФ бірлесіп, Түркістан облысындағы газ жеткізуші және газ таратушы жүйелерінің құрылысы жүргізілген елді мекендерді бюджет қаржысы есебінен газға қосу жұмыстарын атқаруда.
Басқарма тарапынан әр елді мекендегі тұтынушының газға қосылуына апта сайын мониторинг жүргізіліп келеді. Қалған елді мекендерді газға қосу Түркістан облысының кешенді даму іс-шара жоспарына сәйкес жүргізілетін болады.