Өскен өңір Osken-onir.kz ақпараттық агенттігі
» » НЕГЕ ҰТЫЛАМ?

НЕГЕ ҰТЫЛАМ?

Жасырам кімнен, несінен,
Түйінді жіптен шешілем.
Қашанғы тұсау саласың,
Босатсаң тағдыр, кешірем.
Перзентпін мен де сүт емген,        
Сырдарияның төсінен.
Елім-ай, мені еркелет,
Сақталған болса несібем.
Сағама тығын тас тықса,
Тіліммен тасты тесіп ем.
Сарқырап аққан сары өзен,
Қалайша жолдан кесілем?
Бұл өмір қызық несімен?
Тағдырым салған тұсаумен,
Тізерлеп шапқан тұлпармын.
Жазмыш қиған қанатпен,
Қырындап ұшқан сұңқармын.
 
Шығарам ба деп шерімді,
Сөйлей алмаймын, тұтығам.
Тартқанда өрге өмірім,
Тағдырға келіп тұтылам.
Ізімнен қалмай келеді,
Қай жаққа қашып құтылам?
Халқым бар, құрмет қылатын,
Өлмесем, неге ұтылам?
Н.ӘБІЛҚАСЫМОВ.
09 қыркүйек 2018 ж. 1 116 0

PDF нұсқалар мұрағаты

№66 (9333)

03 қыркүйек 2025 ж.

№65 (9332)

30 тамыз 2025 ж.

№64 (9331)

26 тамыз 2025 ж.

Жаңалықтар мұрағаты

«    Қыркүйек 2025    »
ДсСсСрБсЖмСбЖс
1234567
891011121314
15161718192021
22232425262728
2930