«Серік еттім, ет жүрегім езілді»!
Досым, сен өз өміріңе өзің жауаптысың!
Есірткіге әуес болған адамның, болашағы бұлыңғыр, тағдыры қыл үстінде.
Нашақорлық қоғам дерті. Есірткіге әуес болып өмірін өз қолымен балталаған қаншама. Жасөспірімдердің есірткіге деген тәуелділігі адамның жан құмары, алайда бұл дерттен біз айығуымыз керек. Денсаулық адам баласының ең басты байлығы. Өмірдегі ресурс - бұл өзіңіз. Тұлға ретінде қалыптасып, еліміздің бір кірпіші болып қаланып, өз миссияңызды жүзеге асырыңыз!
Нашақорлықпен күресуге жалғыз адамның шамасы келмейді. Ел болып, халық болып қарсы тұруымыз керек. Ал ізгі қоғамды құр бұл сіздің үйіңізді табалдырығынан басталады. Отбасыңыздан бастаңыз!
Не істемек керек? Оң-солын танып үлгермеген жастарды, ұрпақты сақтауымыз қажет.
Жігері жасымаған , күш-қайраты тасыған, ислам деген кемел діннің өкілі - мен қазақпын!Әрбір қазақтың бойындағы тектілік пен қанмен келген қасиеттің құнын жоғалтпау. Осынау текті халықтың еркін қызымын! Жүрегім қазақ деп соғатын мен қазақпын!
Болашағымыз нұрлы, еліміздің ертеңі кемел болсын десек, ел болып, халық болып болашағымызды, ұлтымызды, тегімізді жоғалтып алмау үшін нашақорлық, ішімдік, темекіден бойымызды аулақ ұстап, қоғамымыздың бұл түнектен арылуының жолын іздеп, салауатты өмір салтын насихаттайық!

Қызылорда облысы,
Шиелі ауданының оқушылар үйі
Шебер қолдар үйірмесінің мүшесі
Мухамадали Райана Бекболатқызы