Украинадағы Тысовец қаласынжа Халықаралық шаңғы федерациясының қамқорлығымен шаңғы жарысы басталды. Жарыстың алғашқы күнінде жүлделі орындардың барлығы қазақстандық спортшыларға бұйырды, деп хабарлайды ҚР Шаңғы спорты федерациясының баспасөз қызметіне сілтеп Stan.kz.

Қазақстан ұлттық құрамасының құрамында ерлер және әйелдер тобынан 13, балалар құрамасынан 8 спортшы қатысуда.
Жарыстың алғашқы күні, 12 қаңтарда,  әйелдер арасыснда 10 километр, ерлер арасында 15 километр қашықтықта еркін жүріс бойынша жарыс өтті. Ерлер тобында жүлделі үш орынның барлығын қазақстандық спортшылар иеленді. Бірінші орынды Виталий Пухкало иеленсе, Олжас Климин екінші орын, ал Денис Волотка үшінші орын алды. Ақмолалық Николай Чеботько төртінші орынға жайғасты.
Ал әйелдер арасында Щучинск қаласының спортшысы Тюленева Валерия бірінші орынға ие болды. Екінші орынды украиналық Марина Анцыбор иеленсе, павлодарлық Анна Шевченко жүлделі үшінші орыннан көрінді.