Өскен өңір Osken-onir.kz ақпараттық агенттігі
» » "Бізді мәжбүрледі". Альварестің промоутері соңғы жекпе-жек туралы шындықты жайып салды

"Бізді мәжбүрледі". Альварестің промоутері соңғы жекпе-жек туралы шындықты жайып салды



Golden Boy промоутерлік компаниясының президенті Эрик Гомес бір кездері Сауль "Канело" Альварестің әлемнің экс-чемпионы Геннадий Головкинмен жекпе-жек өткізуіне қарсы шыққанын айтты, деп хабарлайды Sports.kz.
"Канелоның" Остин Траутпен жұдырықтасуына қарсы болған едім. Бірақ "Канело" бәрібір де осы жекпе-жектің өткенін қалады. Себебі, ол біз көрмеген нәрсені көріп, біз білмегенді білді. Головкинмен өтетін жекпе-жекке қатысты да ұқсас жағдай болды. Біздің еркімізде болса, бұл жекпе-жекті болдырмай қоятын едік. Бірақ "Канело" осыны қалап, бізді келісім беруге көндірді", — деді Эрик Гомес.Сондай-ақ, ол мұндай жағдайдың бірнеше рет болғанын айтып өтті. Бір кездері компания президенті Мэйвезермен жекпе-жек өткізуге де қарсы болған екен. Бұдан өзге ол "Канелоның" әрдайым өзіне сенімді екенін айтып өтті.
Естеріңізге сала кетсек, GGG мен "Канелоның" бірінші жекпе-жегі 2017 жылдың қыркүйек айында өтіп, жеңімпаз анықталмады. Ал рематч бір жылдан кейін болып, төрешілердің көпшілігі жеңісті Альвареске берді.

sputniknews.kz
29 қараша 2018 ж. 788 0