Турнир шымылдығын түрді

Елбасының «Болашаққа бағдар: Рухани жаңғыру» бастамасын жүзеге асыруға арналған шаралар аясында ауданда 2001-2002 жылдары туылған жасөспірімдер арасында қазақ күресінен белгілі қоғам қайраткері Мұстафа Шоқайды еске алуға арналған республикалық турнирінің ашылу салтанаты өтті.
Жарыстың ашылу салтанатына аудан әкімі Ә.Оразбекұлы, облыстық денешынықтыру және спорт басқармасы басшысының орынбасары Ж.Оспанов, қазақ күресінен мемлекеттік жаттықтырушы М.Жақыт, спорт ардагерлері, спортшылар қатысты. 
Биыл 12-ші мәрте ұйымдастырылып отырған турнирге Қырғызстан республикасы, Алматы, Жамбыл, Шығыс Қазақстан, Қарағанды, Қостанай, Оңтүстік Қазақстан,  Қызылорда облыстарынан және Алматы қаласынан 9 команда қатысып, ұлттық спортты ұлықтайтын балуандар белдеседі.