Кеше Шиелі ауданында мекеме қызметкерлері арасында шағын футболдан «Шиелі ауданы әкімінің кубогы» екінші мәрте бастау алды.
Ашылу салтанатында аудан әкімі Айтбай Жандарбеков сөз алып, барлық 15 ұжымға алғысын айтты.

Айта кетейік, бұқаралық спортты жандандыру, салауатты өмір салтын насихаттау және ұжымдар арасындағы өзара әріптестік байланысты нығайту мақсатында ұйымдастырылып отырған аяқ доп бәсекесіне мемлекеттік қызметкерлер, құқық қорғау органдарының қызметкерлері, медицина сынды бірқатар мекеме өкілдерінен жасақталған 15 бірдей команда қатысуда.