Спорт - біздің серігіміз

24 мамыр күні Алмалы ауылдық округінде жастар парламенті депутатының ұйымдастыруымен «Спорт - біздің серігіміз» жобасы аясында шағын футболдан аудандық турнир өтті. Жарысқа жақын ауылдардан барлығы 8 команда қатысып, өзара бақ сынады. Турнир қорытындысы бойынша 1 орынды Еңбекші ауылы иеленді. Ақтық сында жеңіліс тапқан Шиелі командасы 2 орын алып, Алмалы ауылының құрамасы үздік үштікті түйіндеді. Жарыс жеңімпаздарына ұйымдастырушылар тарапынан ақшалай сыйлықтар мен алғыс хаттар табысталды.