АУЫР АТЛЕТИКА АЛЫПТАРЫНЫҢ АРПАЛЫСЫ
Шиеліде Екі мәрте Социалистік Еңбек Ері, даңқты дихан Ыбырай Жақаев атындағы 20 жасқа дейінгі жасөспірімдер арасында ұлдар мен қыздар арасындағы ауыр атлетикадан дәстүрлі Республикалық турнир бастау алды.Аталған турнирге еліміздің Жамбыл, Түркістан, Маңғыстау, Ақтөбе, Алматы, Атырау облыстарынан сондай-ақ, көршілес Қырғызстан Республикасынан атақты зілтеміршілер қатысуда.
Турнирдің ашылу салтанатында сөз алған аудан әкімінің орынбасары Б.Ысмағұлов , қатысушы жас зілтеміршілерге жетістікке жетуге деген талпынысты Ыбырай Жақаев атамыздан үйрену керектігін айтып, жас өрендерге сәттілік тіледі. Турнир 2 күнге созылады.
