ФУТБОЛДАН ӘЛЕМ ЧЕМПИОНАТЫН ЕЛІМІЗДЕ ҚАЙ ТЕЛЕАРНА ТАРАТАДЫ?
2018 жылғы Ресейде өтетін футболдан әлем чемпионатын елімізде қай телеарналардың тарататыны белгілі болды.
Жазда өтетін дүбірлі доп додасын QAZAQSTAN және QAZSPORT телеарналары тікелей эфирде көрсетпек. Бұл туралы аталған арналардың баспасөз қызметі хабарлады.
Олар әлемдік турнирдің Қазақстан территориясындағы ресми таратушылары атанған. Сонымен қатар трансляциялармен бірге бірқатар қосымша жобалар да көрермен назарына ұсынылмақ.
Еске салсақ, әлем чемпионаты 14 маусым мен 15 шілде аралығында Ресейдің 11 қаласында өтеді. Аталған турнирде әлемнің үздік 32 құрамасы сынға түспек.
Абай Аймағамбет
