БАЛА БИДЕ ҚАЗАҚША КҮРЕСТЕН РЕСПУБЛИКАЛЫҚ ТУРНИР ӨТУДЕ
Бала би ауылында қазақ күресінен Еңбек Қызыл Ту орденінің иегері Базарбай Орынбайұлын еске алуға арналған Республикалық турнир бастау алды.Турнирді ашып беру үшін аудандық мәслихат төрағасы Айтбай Жандарбеков арнайы барып, барша турнирге қатысушы жер-жерден келген палуандарға сәттілік тіледі. Әрі еңбек ерінің есімін ел есінде жаңғыртып, ауқымды турнир ұйымдастырып жатқан ұрпақтарына алғысын білдірді.
Айта кетейік турнирге Жетісу, Түркістан, Қарағанды, Алматы, Жамбыл облыстары мен Шымкент, Қызылорда қалаларынан және аймақтағы бірнеше аудандардан палуандар келіп қатысуда.
Шиелі ауданы әкімдігінің баспасөз қызметі
