Алғашқы жүлде
Соңғы жылдары жеңілістен көз ашпай келе жатқан қазақ спорты аналар мерекесіне орай қуанышты хабар жеткізді. Дәлірек айтсақ, Бейжіңде өтіп жатқан Паралимпиада-2022 ойындарында Қазақстандық парабиатлонист Александр Герлиц қола жүлдегер атанып, ел мерейін үстем етті. Ол 10 шақырым қашықтықта бақ сынап, мәрені үшінші болып аттаған. Бас жүлде канадалық Марк Аренаға бұйырса, екінші орынды украиналық Григорий Вовчинский иеленді.
Бұл қуанышты жаңалықты естіген мемелекет басшысы Қасым-Жомарт Тоқаевта қуанышқа ортақтасып, өзінің Twitter парақшасында тілегін былай жеткізді:
– Бейжіңде өтіп жатқан Паралимпиада ойындарында қазақстандық биатлоншы Александр Герлиц 10 шақырымдық жарыста қола жүлдеге ие болды. Бұл – Қазақстанның алғашқы медалі. Александрды шын жүректен құттықтаймын және спортта бұдан әрі қарай табысты болуына тілектеспін.
«Өскен өңір» ақпарат
