Өскен өңір Шиелi аудандық қоғамдық-саяси газет
» » Заманауи үстел теннисі орталығы салынуда

Заманауи үстел теннисі орталығы салынуда

Жақында аймақ басшысы Даниал Ахметов Шығыс Қазақстан­ның спорт кластеріндегі бірегей нысан – төрт қабатты үстел теннисі орталығының құрылысында болып, ғимараттың жағ­дайымен танысты.
Ескерте кету керек, осыдан жеті-сегіз жыл бұрын аймақтағы ірі кәсіпорын – «Казцинк» өз қар­жысына алты бірдей ірі нысан, жаз­да да, қыста да жаттығатын үлкен теннис орталығын салып берген болатын.
Халықаралық стандарттар бо­йынша бой көтеріп жатқан ны­санның жалпы аумағы – 9 мың 600 шаршы метр. Облыс әкімі күн суытқанша орталық ғи­мараты толық салынып бітуі керек­тігін айтты. Мұнда екі спорт­зал болады. Бір уақытта 250 спорт­шы жаттығады. Жарыс өте­тін жерде 18 теннис үстелі қойы­лады. Мүмкіндігі шектеулі жан­дар да осы жерде жаттығып, ден­саулықтарын түзей алады.
– Бұқаралық спорт Кенді Алтайда жақсы даму үстінде. Бұл күн­дері облыста бұқаралық спортпен шұғылданушылар саны 30 пайызға жуық. Дәл қазір өңірдің 15 елді мекенінде дене шынықтыру-спорт кешендері салынып жатыр. Ел Президенті Қасым-Жомарт Тоқаевтың бұ­қара­лық спортты дамытуға қа­тыс­ты тапсырмасы әркез басты назарда. Жақын арада осы мақсатта келелі кеңес өтпек. Теннис соңғы жылдары еліміз­дің кез келген өңірінде дами бас­­тады. Оның нақты дәлелі – Ры­­бакинаның Токиодағы та­бысы. Бірақ оның финалға шы­ғуға шебер­лі­гі жеткенімен, пси­хологиялық жағынан да­йын болмады. Келешекте осы орталық­тан Олимпиада жүлдегерлері шығатыны сөзсіз, – деді өңір бас­шысы.
Кешенді аралап болған соң, облыс әкімі жаттықтырушылар­дың біліктілігі мен ше­бер­лік дең­гейін арттыру қажеттігіне тоқ­талып өтті. Қазірдің өзінде үш деңгейлі арнайы бағдарлама жасалды. Жақын және алыс ше­телдердің жетекші мамандарымен келісім­шарт жасасу да ойда бар.
Оңдасын ЕЛУБАЙ,
«Егемен Қазақстан» газетінің ардагері
 

https://egemen.kz
26 тамыз 2021 ж. 139 0

Соңғы жаңалықтар

Ертегілер еліне саяхат

Ертегілер еліне саяхат

03 желтоқсан 2021 ж.
Құрмет төріндегі  ұстаз

Құрмет төріндегі ұстаз

03 желтоқсан 2021 ж.

PDF нұсқалар мұрағаты

№96 (8950)

03 желтоқсан 2021 ж.

№95 (8949)

30 қараша 2021 ж.

№94 (8948)

26 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам