BAQ.KZ. Коронавирус эпидемиясына байланысты IJF күнтізбесіндегі 30 сәуірге дейінгі Олимпиадалық лицензиялық турнирлер тоқтатылды. Бұл туралы халықаралық дзюдо федерациясы мәлімдеді, деп хабарлады Olympic.kz.

Атап айтқанда, Екатеринбургтегі (Ресей) Grand Slam, Тбилиси (Грузия) мен Анталиядағы (Түркия) Гран При турнирлері өтпейді. IJF ережесіне сәйкес, Grand Slam жарысында жеңімпаздарға 1000, екінші орын иегеріне 700, үшінші орынға 500 ұпайдан беріледі. Ал Гран При кезеңінде жеңімпаздарға әлем рейтингінде 700, күміс жүлдегерге 490, қола жүлдегерге 350 ұпайдан қосылады.