Халықаралық турнирдің күміс жүлдегері
Индиана штатында (АҚШ) парадзюдодан өткен лицензиялық халықаралық турнирде Сыр спортшысы Олжас Оразалыұлы (60 келі) күміс жүлдені иеленді.
О.Оразалыұлы 2020 жылы Токиода болатын Олимпиада ойындарына жолдама алу үшін ұпай жинайтын жарыстарға кезеңімен қатысуда.
"Биылғы жылдың мамыр айында Бакуде Гран-при жарысына қатысып, үшінші орынды еншіледім. Енді лицензиялық 4 жарыста бағымды сынаймын. Олимпиадаға жолдама алу үшін, ел намысын қорғауда бар күш-жігерімді саламын", - деді Олжас.
