«Зениттің» бас директоры: Исламхан - нәтижелі ойыншы
«Зениттің» бас директоры Александр Медведев Қазақстан ұлттық құрамасының жартылай қорғаушысы Бауыржан Исламханның петерборлық клуб қаралымында болатынын растады, деп хабарлайды Prosports.kzChampionat.com сайтына сілтеме жасап. «Бауыржан Исламхан «Зенитпен» оқу-жаттығу жиынына қатысады». Ол Қазақстандағы ең үздік, нәтижелі ойыншы, «Қайрат» пен ұлттық құраманың капитаны. Біз оның әлеуетін байқайтын боламыз, әрі ол өзін жақсы жағынан көрсетуге тиіс», - деді Медведев Чемпионаттың тілшісі Максим Пахомовқа берген сұхбатында.
«Исламхан еңбек жолын 2011 жылы «Тараз» командасында бастады, содан кейін «Кубаньға» ауысты. Жартылай қорғаушы ресейлік клубта бірде-бір матч өткізбеді, ал 2013 жылы «Астанаға» жалға берілді. 2014 жылдан бастап Бауыржан «Қайраттың» намысын қорғады. Ол Қазақстан құрамасына 2012 жылдан бастап шақырылған.
Қазақстан Премьер-лигасының соңғы ойынында жартылай қорғаушы 22 матчқа қатысып, 7 гол соқты (пенальтиден 3) және 2 сары қағаз алды», деп жазады ресейлік сайт.
