Жерлестеріміз жеңіспен оралды

Жуырда Байқоңыр қаласында жасөспірімдер арасында ұлттық спорт түрі жекпе-жектен турнир өтті. Турнирге Ақмая ауылының спортшылары қатысты. Жекпе-жек нәтижесінде жерлестеріміз жүлдемен оралып, 5 алтын, 1 күмісті қанжығасына байлады.

Толығырақ тарқататын болсақ, 2005-2006 жылы туғандар арасында 39 кг салмақ дәрежесінде Орхан Мейрамбаев, 44 кг салмақ дәрежесінде Дінмұхамед Әділбеков, 50 кг салмақ дәрежесінде Нұрлыбек Сейітқасым бірінші орынмен марапатталды. Ал 2003-2004 жылы туғандар арасында 42 кг салмақ дәрежесінде Әділет Мейрамбаев бірінші орынды иеленді. 62 кг салмақ дәрежесінде бақ сынаған Шыңғыс Ерсейіт болса екінші орынның тұғырынан көрінді. Сонымен бірге 2001-2002 жылы туғандар арасында 66 кг салмақта сынға түскен ­Диас Оразмахан та бірінші орынмен ауданға оралды. Осылайша жас спортшылардың жаттықтырушысы Нариман Елеупановтың еселі еңбегі қайтып, үкілеген үміті ақталды.

«Өскен өңір» ақпарат