Петропавл қаласында қазақ күресінен ішкі істер органдары қызметкерлері арасында ел біріншілігі басталды.

Күштік құрылымдар арасында екінші жыл қатарынан ұйымдастырылып отырған жарысқа еліміздің әр аймағынан сайдың тасындай іріктелген 140 шақты спортшы қатысып, өзара мықтыны анықтамақ. Өз өңірлерінде жауырыны жерге тимеген балуандар бос кілемде бір-біріне дес бермеуге тырысып бағады. Ұйымдастырушылардың айтуынша, қазақ күресі құқық қорғау қызметкерлерінің әрдайым шымыр болуына септігін тигізеді.

24.kz