Жақында Шиелілік балуандар Республикалық ашық турнирде қазақ күресінен командалық жарысқа қатысып, бас жүлдені иеленді. Жарыс Алматы қаласында 12 облыс спортшыларының қатысуымен өтті.
«Жастар кубогы» республикалық қазақ күресінен ашық турнирде Шиелі ауданы, Бала би ауылы, №10 балалар жасөспірімдер спорт мектеп командасы белдескен балуандардың жауырынын жер иіскетті. Ауданның абыройын асқақтатқан балуандар А.Дүйсенов, Қ.Советов, А.Бекайдаров, Д.Айтбай, Н.Ғалымұлы түрлі салмақта белдесті. Осы орайда, командалық жарыста ауызбіршілік танытып, жұмылған жұдырықтай бірлесе шешім қабылдауға үйреткен Қ.Нұрғали, Қ.Асылбеков сынды жаттықтырушылардың еңбегі зор деуге болады.

Г.Дүйсебай.