Алматыда Ұлттық ат спортынан алауы тұтанған І Азия чемпионатының бірінші жарыс күні аяқталды. Нәтижесінде көкпардан төрт команда алғашқы жеңістеріне қол жеткізді, деп хабарлайды ҚазАқпарат тілшісі. 

ҚР Ұлттық спорт қауымдастығынан мәлім еткендей, бүгін «А» тобынан Монғолия мен Қытай командалары, ал «Б» тобынан Қазақстан мен Ауғанстан командалары алғашқы жеңістеріне жетіп, келесі кезеңге жолдама алды. 

Атап айтқанда, Моңғолия құрамасы Тәжікстаннан келген қарсыластарымен сынға түсіп, 4:2 есебімен жеңіске жетті. 

Екінші болып алаңға Қытай мен Ресей құрамалары шықты. Нәтижесінде қытайлық ойыншылар қарсыластарын 10:1 есебімен ойсырата ұтып, жартылай финалға ірі есеппен өтті.