КЕНТ ЖӘНЕ АУЫЛДЫҚ ОКРУГ ӘКІМДЕРІ ОҚЫТЫЛУДА

 
Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасын іске асыру аясында облыстық ішкі саясат басқармасының Дін мәселелерін зерттеу орталығының бастамасымен кент, ауылдық округ әкімдеріне арналған «Жергілікті атқарушы органдарының аймақта діни экстремизмнің алдын алуға бағытталған шараларын жетілдіру жолдары» тақырыбындағы оқыту семинары өткізіліп жатқаны мәлім.
Аталған семинар оңтүстіктегі қос ауданда – Шиелі мен Жаңақорған аудандарында жалғасты.  Жаңақорған ауданында өткен семинарда облыстық ішкі саясат басқармасы жанындағы Дін мәселелерін зерттеу орталығының директоры Бақытжан Камалов кент, ауыл басшыларына дәріс оқыды.
Мемлекеттің дін саласындағы ұстанымдары мен қағидалары, деструктивті діни ағымдардың алдын алу мәселелері және олармен күресу жолдары кеңінен түсіндірілді.
Ал, шиелілік әкімдерге орталық директорының орынбасары Аралбек Боранбаев пен оңалту бөлімінің басшысы, дінтанушы Жеңісбек Дәрібаев жат ағым өкілдерімен жүргізілетін оңалту жұмыстары туралы айтып өтті.
Аталған оқыту семинары алдағы уақытта өзге аудандарда жалғасады.