Қазақстан халқы Елб­а­сы­ның «Бола­шаққа бағдар: ру­хани жаң­ғыру» атты мақа­­ла­сының маңы­зын терең түсініп, еліміз­дің рухани тәуел­сіздігін нығайта­тын стра­те­гиялық құжатқа балап отыр. Жаһандану жағ­дайында мем­лекеттілігімізді, тілімізді, дінімізді, салт-дәстүрі­мізді, жалпы ұлттық ерекшелік­терімізді қалай сақтап қаламыз деген мәселе – әрбір аза­матты толғандырады.
«Рухани жаңғыру» бағдар­ла­масының «Жаңа гуманитарлық білім. Қазақ тіліндегі 100 жаңа оқу­лық» жобасы аясында атқарылған жұмыс­тардың алғашқы нәтижесі 18 жаңа оқулықтың жастарға тегін таратылуы мен кітапхана сөрелеріне жол тартылуы көпшілікті қуантып қана қоймай, аударма мәселесіне жаңа серпін берді.
Оқулықтар философия, әлеумет­тану, психология, дінтану, мәде­ниет­тану, тіл білімі, антро­пология, эко­номика, менеджмент және кәсіпкерлік бағыттарында әлем тарихындағы ең үздік ғылыми ең­бектер және түп­нұсқадан тікелей қазақ тіліне тәржі­маланған алғашқы туындылар.
Бұл бастама – Елбасының болашақ иелеріне жасаған үлкен қамқорлығы деп түсінемін. Себебі, қыруар қаражатты қажет ететін аударма оқулықтарға мемлекет өз қаражатын жұмсауы ешбір елде жоқ тәжірибе екендігін әлем мойындап отыр.
Ендеше, Елбасының ұсынған тың бастамасы халқымызды рухани-жаңғыруға жетелері сөзсіз.
Кенжебек ТІЛЕПОВ, 
№61 орта мектептің директоры, 
«Нұр Отан» партиясының мүшесі,
Арал ауданы, 
Қызылорда облысы

• НҰР ОТАН