ҰЛЫ ОТАН СОҒЫСЫНЫҢ АРДАГЕРІ СӘРСЕНБЕК БАЙЖАНОВ РЕФЕРЕНДУМҒА ҚАТЫСЫП, ӨЗ ТАҢДАУЫН ЖАСАДЫ
Шиелі ауданындағы Керделі ауылдық округінің тумасы, Ұлы Отан соғысының ардагері, 100 жасаған ғасыр атамыз Сәрсенбек Байжанов референдумда өз таңдауын жасап дауыс берді.
№298 учаскелік референдум комиссиясының мүшелері 100 жастағы соғыс ардагерінің үйіне референдум жәшігін апарып, таңдау жасауына мүмкіндік тудырды. Ардагердің иығына шапан жауып, сый-құрмет көрсетті. Батыр атамыз барша жерлестеріне сәттілік тілеп, ақжарма тілектерге толы ақ батасын берді.
