Атырауда екі жасөспірім суға батып бара жатқан жолдастарын құтқару үшін өзенге секіріп кетті, деп жазад Stan.kz ақпарат агенттігі.

Оқиға кеше шамамен 16:20-да Балықшы ықшамауданындағы автокөлік көпірінің маңында болған. Куәгерлер Жайық өзенінен 2007 және 2010 жылғы жасөспірімдерді құтқарып қалды. Олар ойын кезінде абайсызда суға құлап кеткен 2008 жылғы достарын құтқармақ болып өзенге секірген. Қазіргі таңда баланы құтқарушылар іздестіріп жатыр. Ал, екі бала ауруханаға жеткізілді.
Мәліметке сүйенсек, баланы іздестіру жұмыстарына 11 құтқарушы, «ЗРАОСО» РМҚК-нің 2 техникасы мен 1 жүзу техникасы, сондай-ақ ТЖД-ның 3 қызметкері мен 2 апаттық-құтқару техникасы және 10 полиция қызметкері тартылды.