Марқұм болған 4 баланың екеуі ағайынды болып шықты.
“Өте асығыс болды. Қолдарында 200 теңгесі бар екен, «апай, тезірек беріңізші» деп менен балмұздақ алды. Оларды жақсы білем, менен ылғи балмұздақ алып тұрады. Бірақ, өзенге бара жатқандарын қайдан білейін. Түнімен жабылып іздедік”, – дейді дүкен сатушысы Фатима.
Балалар дүкеннен балмұздақ алып, бірден суға шомылуға бет алады.
Ауыл тұрғындарының айтынша, бала біткеннің бәрі жаз шықса, арықтағы суға түсуге әуес. Олар көпірден суға секіріп ойнайды. Төрт баланың денесі көпірдің тұсынан табылған.
Суға бес бала батып кеткен. Оның бірін сол маңда жүргендер көріп құтқарып қалған. Тұрғындардың көмегімен аман қалып ауруханада жатқан бүлдіршін де марқұм балалардың туған туған бауыры екен.
“Біреуін құтқарып алғанбыз, мен оны өз көзіммен көргем. Бір ағай ол баланы көтеріп әкелген. Сосын оның жүрегінен бір ағай басып, кейін ішінен басқан. Сосын ол демалып, ауруханаға әкеткен”, – дейді куәгер Қуандық Құдайбердиев.
Stan.kz