Қазалы аудандық сотында «Соттағы татуласу рәсімдері» пилоттық жобасы жүзеге асырылуда, деп хабарлайды Kyzylorda-news.kz аудандық сотының баспасөз қызметіне сілтеме жасап.

Аталған пилоттық жоба аясында былтыр бітістіруші-судья 36 талап арызды қарап, оның 16-ын екіжақты бітіммен аяқтаған болатын. Ал, биылғы жылы сотқа жүгінген екі отбасының талап арыздарын қарады.Судья бес күн ішінде бітімгершілік рәсімдерін жүргізу үшін тараптарды сотқа шақырған. Сот отбасылық дауды медиация тәртібімен шешуге болатынын түсіндіргеннен кейін, тараптар бітімгершілік жолын таңдаған. Ерлі-зайыптылар сот талқылауы басталғанға дейін өзара татуласты.
Сот ұйғарымдары заңды күшіне енбеген.