Жақында Алматы қаласындағы «Bala star» орталығының ұйымдастыруымен өткен «Happy New Star» атты 10-14 жас аралығындағы балалар байқауына би номинациясы бойынша шиелілік «Жас дәурен» өнерпаздар тобы қатысқан болатын.
Байқауда қазақ биі «Жауқазынды» және үнді биін мың бұрала билеген бишілер әділ қазылардың көңілінен шығып, гран приді жеңіп алды. Әсіресе, қазақ биін нақышына келтіріп, әр қимылымен көрермендерге ерекше әсер қалдырған шиелілік өнерпаздарға көпшілік тәнті болды. Топ жетекшісі Динара Оразова «Бүгінде ұлттық биден гөрі заманауи жастар биіне көп көңіл бөлінеді. Дегенмен, қай кезде болмасын қазақ биіне деген көпшіліктің ықыласы ерекше. Байқауда «Жауқазынды» орындауымыздың бір себебі осы», – дейді.

Г.ЯХИЯ.