Латын әліпбиі бүгінде жер шарының түкпір-түкпіріне тараған. Олардың қатарына Солтүстік және Оңтүстік Америка, барлық Африка елдері, Австралия, кейбір Шығыстағы елдерін қоспағанда Еуропа құрлығы, Малайзия, Сингапур мен Индонезия қоса алғандағы халқы тығыз қоныстанған және экономикалық қуатқа ие Оңтүстік-Шығыс Азия елдері кіреді. Сондай-ақ, латын әліпбиі Үндістан, Пәкістан, Жапония, Оңтүстік Корея, Біріккен Араб Әмірлігі, тіпті, Қытай сияқты әлемнің көптеген басқа елдеріне кеңінен танымал.
Біріккен Ұлттар Ұйымында негізінен 6 ресми тіл болса, оның үшеуі – ағылшын, француз, испан тілдері латын қарпін қолданады.
Әлемдегі ең қуатты экономикалық күшке ие 30 елдің 22-сі, ал, оның алғашқы ондығының 7-уі латын әліпбиіне көшкен.
Егер халықтың жан басына шаққандағы жалпы ішкі өнімді қарастырсақ, онда ең бай мемлекеттердің арасында алғашқы 20 елдің 18 мемлекеті латын алфавитін пайдаланады.
Дүниежүзілік «Doing Business» банкінің рейтингісінде бизнес жүргізу үшін ең тартымды отыз елдің арасында 25-і алфавитті латындық негізде пайдаланатыны анықталған.