Береке жастары, мерекенің бастауы
Елбасының «Еліміздің ертеңі, білімді жастарды» деген сөзін ұмытпауымыз керек. Білім мен тәрбиені ұштастыру ерекшелік. Осы бағытта жұмыс жасайтын Рысқұлов көшесі №5 ғимаратының 2-ші қабатында «Береке» жастар қоғамдық бірлестігінің ашылу салтанаты өтті.
Шараға ішкі саясат бөлім басшысы Жібек Баймұратова арнайы келіп, лентасын қиып, жұмысын бастағалы отырған жастарға сәттілік тіледі.
Қоғамдық бірлестіктің негізгі бағыттары: «Терроризм мен діни экстремизмнің алдын алуға арналған ақпараттық-түсіндіру іс-шараларын ұйымдастыру қызметі» және Шиелі ауданының жұмыссыз жастарының құқықтық сауаттылығын арттыруға, жұмыспен қамтылуына, әлеуметтік бағдарлануына ықпал ету. Шиелі ауданының өнерлі жастарын қолдау, жастар шығармашылығын және «Жайдарман» сайыстарын дамыту қызметін ұйымдастыру» болып табылады. Ауыл-ауылдағы өнері көпке танылмай жүрген таланттарды шығарып, ұлтжандылыққа, отан сүйгіштікке тәрбиелейді. Жұмыссыз жастардың уақытын тиімді пайдалануын басты назарға алған. Аталған жобалар бойынша арнайы кеңестер де береді. Қабылдау уақыты сейсенбі-жұма күндері болмақ. Осылайша, мереке бастауы болатын «Береке» жастары жұмыстарын бастап кетті.
Б.Ержігіт.
