Қостанай облысында із-түзсіз жоғалып кеткен 3 қыз автобуста отырған жерінен табылды
Рудный қаласында 12 тамызда жоғалып кеткен 3 оқушы қыз Теміртау қаласынан табылды, деп хабарлайды ІІД баспасөз қызметіне сілтеме жасап Stan.kz.
Үш қыздың із-түзсіз жоғалып кеткені туралы олардың аналары Рудный қалалық ІІБ-ге хабарлаған. Сонымен қатар әлеуметтік желілерде жоғалып кеткен қыздар туралы мәлімет берілген хабарландыру тарады. Әйелдердің сөзінше, қыздары 12 тамызда үйлерінен түскі уақытта шығып кетіпті.«Полицейлер бір тәулік бойы кәмелет жасқа толмаған 3 қызды іздестірді. Нәтижесінде оқушылар Теміртау қаласына кірер жолда табылды. Олар рейстік автобуспен Шымкент қаласына бара жатқан», – делінеді хабарламада.
Қазіргі уақытта тәртіп сақшылары қыздарды Рудный қаласындағы үйлеріне алып бара жатыр.
Stan.kz
