Өскен өңір Osken-onir.kz ақпараттық агенттігі
» » Кемероводағы өртте жоғалған үш адам аман-есен табылды

Кемероводағы өртте жоғалған үш адам аман-есен табылды

Ресей Федерациясының Тергеу комитеті Кемероводағы “Зимняя вишня” сауда орталығындағы өрттен кейін із-түзсіз жоғалып кеткен үш адамды аман-есен тапты. Қайғылы оқиғадан кейін Кемерово тұрғындарынан құрылған еріктілер тобы өрт кезінде із-түзсіз жоғалып кеткен 13-14 адамның тізімін құрған. Олардың бәрі ресми тізімде тіркелмеген болып шықты. Олардың жоғалғаны туралы хабар алған билік өкілдері аталған адамдарды іздеуді бірден бастады.  Бұл туралы Sputnik Қазақстан  хабарлады, деп жазады Stan.kz ақпараттық агенттігі.
“Кемеровадағы өртте 67 адам іс-түссіз жоғалды деген арыз түсті. Осы арыздарды ексеру кезінде үш адам аман-есен табылды. Тергеудің мәліметі бойынша, өрт кезінде 64 адам қаза тапқан”, — делінген Тергеу комитетінің баспасөз хабарламасында. 29 наурыз күнгі кешкі мәлімет бойынша ауруханада тоғыз адам жатыр. Ал 60 науқас амбулаториялық ем қабылдап, зардап шеккен 10 адам тиісті жәрдем алып, емделіп шықты.
stan.kz
 

30 наурыз 2018 ж. 1 440 0