Шиелі ауданынан бой көтеріп жатқан «Гежуба» цемент зауытының жұмысы аяқталуға жақын. Аталмыш нысанның құрылысын ФООО «Чайна Триумф Интернэшл Инжиниринг» Қытай компаниясы жүргізіп, күніне 2500 тонна клинкерлік цемент өндіру көзделуде. Бұл компания тек құрылыс жүргізіп қана қоймай, түрлі қайырымдылық шаралар ұйымдастырып, әлеуметтік аз қамтылған отбасыларға жәрдемдесіп келеді. «Жақсының жақсылығын айт нұры тасысын» демекші, жуырда Қытай компаниясының директоры Чян Ичун Қорқыт ата атындағы Қызылорда мемлекеттік университетінде ақылы негізде білім алып жүрген студенттердің 1 жылдық оқу ақысын төлеп берді. Әлеуметтік аз қамтылған 4 отбасына қол ұшын созған жомарт жан, барлығы 1 233500 теңге көлеміндегі қаржыны игі іске жұмсады.

ФООО «Чайна Триумф Интернэшл Инжиниринг» компаниясы.