23 ТАМЫЗ – АЗАМАТТЫҚ ЖАУАПКЕРШІЛІК КҮНІ

23 тамыз күні елімізде құрылтай депутаттарының сайлауы өтеді. Бұл – елдің қоғамдық-саяси өміріндегі маңызды науқанның бірі. Сайлау барысында азаматтар өз таңдауын жасап, өңірдің дамуына үлес қоса алатын лайықты кандидаттарға дауыс береді.

Қазақстан Республикасының Конституциясында бекітілген сайлау құқығы – әр азаматтың мемлекет ісіне қатысуының маңызды тетігі. Сондықтан сайлауға қатысу – тек құқық қана емес, ел болашағына деген жауапкершіліктің де көрінісі.

Қоғамның тұрақты дамуы мен өркендеуі тұрғындардың белсенді азаматтық ұстанымына тікелей байланысты. Әрбір берілген дауыс өңірдің ертеңгі дамуына, қоғамдық келісім мен тұрақтылықтың нығаюына өз ықпалын тигізеді.

Осыған орай аудан тұрғындарын 23 тамыз күні сайлау учаскелеріне келіп, өз таңдауларын жасауға шақырамыз. Әр дауыс – маңызды, әр таңдау – елдің болашағына қосылған нақты үлес.