ӘР ДАУЫС – ЕЛ ЕРТЕҢІНЕ ҚОСЫЛҒАН ҮЛЕС

23 тамызда өтетін құрылтай депутаттарының сайлауы – елдің демократиялық дамуындағы маңызды кезеңдердің бірі. Бұл саяси науқан азаматтарға өз таңдауын жасап, қоғамның дамуына ықпал ететін өкілдерді сайлауға мүмкіндік береді.

Сайлауға қатысу – әрбір азаматтың конституциялық құқығы әрі азаматтық жауапкершілігінің айқын көрінісі. Елдің бүгіні мен келешегі тұрғындардың белсенділігіне, қоғамдық іске бейжай қарамауына байланысты.

Өңірдің әлеуметтік-экономикалық дамуы, қоғамдағы тұрақтылық пен бірлік – баршамыздың ортақ мақсатымыз. Сондықтан әр азаматтың таңдауы елдің ертеңін қалыптастыруда ерекше маңызға ие.

Барша аудан тұрғындарын 23 тамыз күні сайлау учаскелеріне келіп, өз азаматтық ұстанымдарын білдіруге шақырамыз. Әр дауыс – ел ертеңіне қосылған үлес, әр таңдау – жарқын болашаққа бастар қадам.