МАЛ ШАРУАШЫЛЫҒЫН ДАМЫТУ ЖҰМЫСТАРЫНА ЗЕРДЕЛЕУ ЖҮРГІЗІЛДІ
Аудандық партия филиалы жанындағы Партиялық бақылау комиссиясының мүшелері Өтебай Біржан, Азамат Қали және Сапарбаев Нұрсұлтан партияның Сайлауалды бағдарламасының Жол картасы аясында мал басын көбейту, асылдандыру және өнімділігін арттырудағы міндеттердің орындалу барысына зерделеу жұмыстарын жүргізді.
Партия өкілдері ауданымыздағы «Тұлпар» шаруа қожалығына барып, ондағы атқарылып жатқан жұмыстармен танысты. Шаруашылық 2016 жылдан бастап жұмыс жасап келеді.
Мониторинг барысында шаруашылық өкілдері мал басын көбейту, тұқымдық сапаны жақсарту және өнім көлемін арттыру бағытында атқарылып жатқан жұмыстар туралы баяндап берді. Комиссия мүшелері шаруа қожалық өкілдерінің ұсыныстарын тыңдап, саладағы өзекті мәселелер мен оларды шешу жолдары жөнінде пікір алмасты.
