Атыраудан 70 шақырым жерде мұнаймен толған өзен пайда болды, деп хабарлайды ҚазАқпаратқа сілтеме жасап Stan.kz.Мұнаймен толған өзеннің пайда болғаны туралы әлеуметтік желілерден белгілі болды. Куәгерлер өзенді видеоға түсіріп, жарыса жариялап жатыр.
Видеода Таңдай Махамбет ауданындағы ауыл маңындағы өзен түсірілген. Ондағы суды мұнайдың қалың қабаты жауып жатыр.
Аталған ауыл Атыраудан 70 шақырым жерде орналасқан.
Өз кезегінде Атырау облысындағы экология департаменті видеоға қатысты пікір білдірді. «Барлық жауапты органдар мұнайдың жоғарыға шыққанынан хабардар болды. Қоршаған ортаның ластануы мәселесі бақылауға алынды. Толық ақпарат біраз уақыттан кейін берілетін болады», – дейді экология департаментіндегілер.
Stan.kz.