Шиелі кентіндегі №127 Ш.Уәлиханов атындағы мектеп-лицейінің базасында орналасқан №288 референдум учаскесінде “Волковгеология” АҚ филиалы №23 барлау экспедициясының ұжымы референдумға қатысып, өз таңдауларын жасады.

Маңызды саяси науқан барысында экспедиция қызметкерлері азаматтық белсенділік танытып, ел болашағына бей-жай қарамайтындықтарын көрсетті. Әрбір дауыс – ел дамуына қосылған үлес екенін түсінген ұжым мүшелері бірлік пен жауапкершілік танытып, референдумға белсене қатысты.

Бұл – қоғамдағы азаматтық жауапкершіліктің жоғары екенін және ел болашағына деген ортақ көзқарастың бар екенін көрсетеді.