Бүгін аудан басшысы Әшім Оразбекұлы Елбасымыздың биылғы жылғы 10 қаңтарда «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арнаған кезекті Жолдауын және 5 наурызда «Президенттің бес әлеуметтік бастамасы» атты Үндеуін түсіндіру мақсатында «Волковгеология» акционерлік қоғамы №23 геологиялық барлау экспедициясының қызметкерлерімен кездесті.
Кездесуде аудан әкімі Ә.Оразбекұлы Жолдауының негізгі басымдықтарын және бес әлеуметтік бастамадан туындайтын міндеттерге тоқталып, ауданда жүзеге асырылып жатқан жұмыстарды баяндады.
Жиында «Волковгеология» акционерлік қоғамы № 23 геологиялық барлау экспедициясының ұжымы Елбасының сындарлы саясатын бірауыздан қолдайтынғын білдіріп, өз ойлары мен пікірлерін ортаға салды.