2025 жылдың 6 қарашасында «AMANAT» партиясы Шиелі аудандық филиалының қоғамдық қабылдау бөлмесінде аудандық мәслихат депутаты, фракция мүшесі Әубәкіров Дихан Уәлиханұлының кезекті жеке қабылдауы өтті.

Қабылдау барысында аудан тұрғыны, зейнеткер азаматша өзінің тұрғын үйіне газ кіргізу мәселесі бойынша көмек сұрап, өтініш білдірген болатын. Аталған мәселе депутат Д.Әубәкіров пен партияның аудандық филиалының Атқарушы хатшысы Ж.Баймұратованың тікелей бақылауына алынды. Нәтижесінде, партия өкілдерінің қолдауымен және зейнеткердің мектеп бітірген шәкірттерінің (түлектердің) демеушілік үлесімен қарияның үйіне газ құбыры тартылып, тиісті жабдықтар толық орнатылып берілді.  Бұл игі іс — халық пен партия арасындағы алтын көпірдің және ел ішіндегі ынтымақтастықтың жарқын үлгісі болды.