Елордада бірінші ауысым оқушылары онлайн оқиды
Бүгін Астанада ауа райының қолайсыздығына байланысты оқушылар онлайн режимде оқитын болды, деп хабарлайды Egemen.kz. «2026 жылғы 15 қаңтар күні ауа райының қолайсыздығына байланысты бірінші ауысымның 0-11 сынып оқушылары қашықтан оқыту форматына ауыстырылады», делінген қалалық Білім басқармасының хабарламасында.
Айта кетейік, бүгін Қостанай облысында қатты аязға байланысты бірқатар мектеп қашықтан оқыту форматына көшті. Атырау мектептерінде де сабақ онлайн форматта өтеді.
Сонымен қатар синоптиктердің мәліметінше, алдағы күндері ел аумағындағы барлық өңірлерде ауа температурасы төмендейді.
